Kolumbiya prezidenti ona qarşı sui-qəsd cəhdinin hazırlandığını bildirib

Kolumbiya prezidenti Qustavo Petro bildirib ki, onunla birlikdə uçan helikopter sui-qəsd cəhdi səbəbindən marşrutunu dəyişməyə məcbur olub.

Operativ Media xəbər verir ki, o, bu haqda prezident administrasiyasının YouTube kanalında yayımlanan hökumət iclasında danışıb.

"Uşaqlarımın da olduğu vertolyotun atəşə tutulacağı ilə bağlı narahatlıqlar olduğu üçün lazım olan yerə eniş etmədim", - deyə o, qeyd edib.

Petronun sözlərinə görə, o, "öldürülməkdən qaçıb". "Açıq dəniz üzərində dörd saat uçduq və planlaşdırmadığımız bir yerə çatdıq", - deyə o bildirib.