Türkiyə Neft Şirkəti (TPAO) Liviyada 17 illik fasilədən sonra başlayan iki karbohidrogen kəşfiyyatı və istismarı tenderində qalib gəlib.

Operativ Media xəbər verir ki, bu barədə Liviya Milli Neft Korporasiyasının Tender Komitəsi məlumat yayıb.

Liviya Milli Neft Korporasiyasının Tender Komitəsi TPAO-nun İspaniyalı tərəfdaşı Repsol ilə birlikdə C3 quru yatağı üçün tenderi qazandığını elan edib.

Liviyanın Neft və Qaz Nazirliyi 17 ildə ilk dəfə olaraq ötən il 11 quruda və 11 dənizdə olmaqla 22 blokdan neft və qaz çıxarıldığını açıqlayıb.