Cənubi Amerika sahillərində iki ABŞ hərbi gəmisi toqquşub

Cənubi Amerika sahillərində ABŞ Hərbi Dəniz Qüvvələrinə məxsus iki gəmi toqquşub.

Operativ Media xəbər verir ki, bu haqda ABŞ Cənub Komandanlığının məlumat yayıb.

Məlumata görə, hadisə idarə olunan raketlərlə təchiz edilmiş gəmilər arasında baş verib.

Toqquşma nəticəsində iki hərbçi yüngül xəsarət alıb. Onların vəziyyəti stabil qiymətləndirilir.

Bildirilib ki, hər iki gəmi hazırda xidmətdədir və qarşıya qoyulan tapşırıqları yerinə yetirməkdə davam edir.

Hadisənin başvermə səbəbləri araşdırılır.