Qırğızıstanda avtomobil çaya düşüb, üç nəfər ölüb

Qırğızıstanın "Teplie Klyuçi" istirahət zonasında dörd nəfərin olduğu avtomobil uçurumdan Alamedin çayına düşüb.

Operativ Media xəbər verir ki, bu barədə Qırğızıstan mediası məlumat yayıb.

Bişkek-Teplye Klyuçi yolunun 15-ci kilometrliyində "Hyundai Sonata" markalı avtomobilin sürücüsü idarəetməni itirərək yoldan çıxıb və Alamedin çayına düşüb. Nəticədə sürücü və sərnişinlər aldıqları xəsarətlərdən hadisə yerində ölüblər.

Bir sərnişin müxtəlif xəsarətlərlə Çuy Regional Xəstəxanasının reanimasiya şöbəsinə yerləşdirilib.

Hazırda ölən iki qadının şəxsiyyəti müəyyən edilir.