Zelenski Səudiyyə Ərəbistanında ukraynalı hərbi mütəxəssislərlə görüşüb

Ukrayna Prezidenti Volodimir Zelenski Səudiyyə Ərəbistanına səfəri zamanı Ukrayna hərbi ekspertləri ilə görüşüb.

Operativ Media xəbər verir ki, bu barədə "RBK-Ukraine" məlumat yayıb.

Məlumata görə, ukraynalı mütəxəssislər bir həftədən çoxdur ki, Səudiyyə Ərəbistanında Hava Hücumundan Müdafiə sisteminin zəifliklərini təhlil edir, İran dronları və raketlərindən qorunmaq üçün həllər təklif edirlər.

Görüşün nəticələrinə əsasən, tərəflər uzunmüddətli tərəfdaşlıq və dronlara qarşı mübarizə sahəsində əməkdaşlığın genişləndirilməsini müzakirə ediblər.