Yaponiya 2030-cu ilə qədər minlərlə ayını məhv edəcək

Yaponiya hökuməti 2030-cu ilə qədər minlərlə ayı tutmaq və məhv etmək planını təsdiqləyib.

Operativ Media xəbər verir ki, bu barədə "Okinawa Times" qəzeti məlumat yayıb.

Sənəddə ölkənin müxtəlif bölgələrində ayıların sayının 2030-cu ilə qədər müəyyən bir səviyyəyə endirilməsi nəzərdə tutulur. Xüsusilə:

Tohoku bölgəsində təxminən 12 min,

Kantoda 2 min,

Tubada 11 min,

Kinki və Çuqokuda 6400 ayı saxlamaq planlaşdırılır.

Hokkaydo üçün ayrıca bir proqram hazırlanıb və burada 2034-cü ilə qədər ayı populyasiyasının 8200-ə endirilməsi planlaşdırılır.

Yaponiyanın Ətraf Mühit Nazirliyi ölkədə hazırda 54 mindən çox ayı olduğunu bildirir. 2026-cı ildən başlayaraq nazirlik vahid metodologiyadan istifadə edərək ayı sayını qiymətləndirməyə başlayacaq. Tədqiqat ən çox hücumun qeydə alındığı Tohoku bölgəsində başlayacaq. Daha sonra digər bölgələrə də yayılacaq.

Plana həmçinin ayıların tutulması üçün resursların artırılması da daxildir. Bu əməliyyatlarda iştirak edən bələdiyyə işçilərinin sayı üç dəfə artırılaraq 2500-ə çatdırılacaq. Rəsmilər həmçinin təxminən 10.000 qəfəs tələsi hazırlamağı və 20.000 xüsusi sprey qutusu almağı planlaşdırırlar.