Pakistan Xarici İşlər Nazirliyi: ABŞ-İran danışıqları yaxın günlərdə İslamabadda baş tuta bilər

ABŞ və İran arasında münaqişələrin həlli ilə bağlı danışıqlar yaxın günlərdə Pakistanın paytaxtı İslamabadda baş tuta bilər.

Operativ Media xəbər verir ki, bu barədə Pakistanın xarici işlər naziri İshaq Dar bildirib.

O, Misir, Türkiyə və Səudiyyə Ərəbistanının xarici işlər nazirləri ilə məsləhətləşmələrdən sonra keçirilən mətbuat konfransında bildirib ki, "Pakistan qarşıdakı günlərdə mövcud münaqişənin hərtərəfli və davamlı həlli üçün iki tərəf arasında mənalı danışıqlara ev sahibliyi etməkdən və onları asanlaşdırmaqdan şərəf duyacaq".