Madridin "Real" klubu 2026/27 mövsümü üçün üçüncü forma dəstini ictimaiyyətə təqdim edib.

​Madrid təmsilçisinin texniki sponsoru "adidas" şirkətidir və yeni dəst parlaq çəhrayı rəngdə, ağ xətt elementləri ilə dizayn olunub.

​Operativ Media xəbər verir ki, klubun yaydığı rəsmi açıqlamada komandanın yeni forma konsepsiyasının detalları izah olunub.

​Bildirilib ki, futbolkanın parlaq çəhrayı rəng tonu klubun qlobal coğrafi miqyasını, həmçinin sərhədləri, fərqli dilləri və mədəniyyətləri birləşdirən ortaq azarkeş tutkusunu təmsil edir.

​Məlumata görə, dəstin vizual tərtibatı Latın Amerikası mədəniyyətinə məxsus həndəsi naxış motivlərindən ilhamlanaraq hazırlanıb. Eyni zamanda, geyimin V-şəkilli yaxası və qol ağızları ağ rəngli detallarla bəzədilib.