"Xankəndi" Futbol Klubunun idarəetmə mexanizminin təkmilləşdirilməsi məqsədilə növbəti addım atılaraq Müşahidə Şurası təsis olunub və quruma sədr təyinatı gerçəkləşdirilib.

​Operativ Media xəbər verir ki, təşkilatın Ümumi Yığıncağının qəbul etdiyi qərara əsasən, yeni yaradılan Müşahidə Şurasına rəhbərlik vəzifəsi Elgün Səmədova həvalə olunub.

​Qeyd edilib ki, Elgün Səmədovun sədrliyi ilə fəaliyyət göstərəcək Müşahidə Şurası klubun uzunmüddətli dayanıqlı inkişafının təmin olunmasında, müasir peşəkar idarəetmə modelinin qurulmasında və komandanın ölkə futbolunda mövqeyinin gücləndirilməsində əsaslı rol oynayacaq.