Qarabağın yenidən qurulması investisiya və sənaye imkanlarını genişləndirir - Euronews

Qarabağda həyata keçirilən genişmiqyaslı bərpa işləri regionun iqtisadi inkişafının yeni mərhələsinə keçidini sürətləndirir.

Operativ Media xəbər verir ki, bu barədə "Euronews" məlumat yayıb. 

Ağdam və Cəbrayıl ətrafında istehsalat, sənaye və logistika sahələrini əhatə edən yeni iqtisadi zonaların yaradılması nəzərdə tutulur. İnvestisiyaların cəlb edilməsi üçün müxtəlif vergi güzəştlərinin tətbiqi də planlaşdırılır.

Məlumata görə, əsas məqsəd regionun uzunmüddətli və dayanıqlı inkişafını təmin edən müasir iqtisadi məkan formalaşdırmaqdır.

Şuşanın bərpasında iştirak edən Şuşa Şəhəri Dövlət Qoruğunun baş memarı isə şəhərin yenidən qurulmasına demək olar ki, sıfırdan başlanıldığını bildirib.

Bərpa prosesində yaşıl enerji, rəqəmsal planlaşdırma, dron texnologiyaları və müasir xəritəçəkmə imkanlarından istifadə olunur.