Maykl Karrik: "Sabah" çox yaxşı baş məşqçi tərəfindən çalışdırılan komandadır"

"Sabah" çox yaxşı baş məşqçi tərəfindən çalışdırılan komandadır.

Operativ Media xəbər verir ki, bunu "Mançester Yunayted"in baş məşqçisi Maykl Karrik "Sabah"la oyunöncəsi keçirilən mətbuat konfransında deyib.

O, rəqibi yaxşı tanıdığını qeyd edib.

“Onlar çox yaxşı məşqçi tərəfindən çalışdırılan komandadır. Çox oyunlarda qalib gəliblər və özlərinə inamlıdırlar. Komanda şəklində yaxşı pressinq edirlər. Buna görə də hansı rəqiblə qarşılaşacağımızı bilirik”.

Karrik sol cinah müdafiəçisi Şounun bu gün əlavə istirahət günü keçirdiyini deyib.

“Sabah onun vəziyyətinə baxacağıq. Bu, davamlı xarakter daşıyan və ya əvvəlcədən planlaşdırılan bir məsələ deyil. Son oyundan sonra hər futbolçunun fərdi olaraq idarə etməli olduğumuz müəyyən xırda problemləri olur. Lyuk da bu baxımdan həmin oyunçulardan biridir”, - deyə Karrik bildirib.

Baş məşqçi Matteys de Liqtin də bərpa prosesinin müsbət istiqamətdə getdiyini qeyd edib. Niderlandlı müdafiəçinin uzunmüddətli fasilədən sonra komandanın məşqlərinə qayıtdığı bildirilib.

Karrik futbolçunun mümkün dönüşü ilə bağlı dəqiq tarix açıqlamayıb: “Buna baxmalıyıq. Proses müsbətdir. O, məşqlərdə çox yaxşı təsir bağışlayıb. Lakin hələ də vəziyyətini nəzarətdə saxlayırıq. Uzun müddət meydandan kənarda qaldıqdan sonra bərpanın son mərhələsində yükü tədricən artırmaq və düzgün balansı qorumaq vacibdir”.

Karrik De Liqtin hazırda yaxşı vəziyyətdə olduğunu və onun komandanın yanında olmasının sevindirici hal olduğunu vurğulayıb. Baş məşqçi müdafiəçinin yaxın zamanda meydana qayıtmasına ümid etdiyini bildirib.