Azərbaycanda əhalinin gəlirləri 27,5 % artacaq

Azərbaycanda əhalinin nominal gəlirlərinin 2027-ci ildə 107,5 milyard manat olacağı proqnozlaşdırılır.

Operativ Media xəbər verir ki, bu barədə Maliyyə Nazirliyinin məlumatında qeyd olunub.

Proqnozlara əsasən, əhalinin gəlirləri 2028-ci ildə 116,5 milyard manat, 2029-cu ildə 126,7 milyard manat, 2030-cu ildə isə 137,1 milyard manat təşkil edəcək.

Beləliklə, 2027-2030-cu illərdə əhalinin nominal gəlirlərinin 27,5 faiz artacağı gözlənilir.

Proqnoza görə, əhalinin xərcləri 2027-ci ildə 105,1 milyard manat, 2028-ci ildə 113,9 milyard manat, 2029-cu ildə 123,9 milyard manat, 2030-cu ildə isə 134,1 milyard manat olacaq.