Pakistanda məscidə hücum nəticəsində ölənlərin sayı 31-ə çatıb

Pakistanın şimal-qərbindəki Kohat şəhərində məscidin yaxınlığında baş verən terror aktı nəticəsində 16 polis əməkdaşı da daxil olmaqla ən azı 31 nəfər həlak olub.

Operativ Media xəbər verir ki, bu barədə Agence France-Press (AFP) hüquq-mühafizə orqanlarının əməkdaşlarına istinadən məlumat yayıb.

Məlumata görə, kamikadze terrorçu Xayber Paxtunxva əyalətindəki Polis Xəttləri kompleksindəki məscidin yaxınlığında partlayış törədib. Hüquq-mühafizə orqanlarının əməkdaşları atışma zamanı hücum edənlərdən altısını öldürüblər.