"Xankəndi" FK bir ay sonra doğma şəhərinə qayıdacaq

“Xankəndi” FK bu ildən etibarən ev oyunlarını Xankəndi şəhərində keçirməyə hazırlaşır.

Bu barədə Operativ Media-ya klubun mətbuat xidmətindən məlumat verilib.

Bildirilib ki, hazırda Xankəndi şəhər stadionunda təmir işləri davam etdirilir.

Təmir işlərinin bu ayın sonunadək başa çatdırılması planlaşdırılır.

Təmir işləri yekunlaşdıqdan sonra Xankəndi şəhər stadionunun rəsmi açılış mərasiminin keçirilməsi nəzərdə tutulur.

Klubun Xankəndidə ilk ev oyununun tarixi isə stadionun rəsmi açılış qrafikinə uyğun olaraq müəyyənləşdiriləcək.