Bulvar İdarəsinin sədri: Bakı bulvarının genişləndirilməsi şəhərin Xəzərə çıxışını artıracaq

Dənizkənarı Bulvarın perspektiv olaraq Xəzər sahili boyunca genişləndirilməsi Bakı şəhərinin dənizə çıxışını böyük ictimai məkan vasitəsilə təmin edəcək.

Operativ Media xəbər verir ki, Dənizkənarı Bulvar İdarəsi Heyətinin sədri Xanlar Ağalarov “Report” İnformasiya Agentliyi və “ARB” telekanalına müsahibəsində bildirib ki, bulvarın Zığ və Bibiheybət istiqamətlərinə qədər genişləndirilməsi onu şəhər daxilində böyük ictimai dəhliz və yaşıllıq zolağına çevirəcək.

Onun sözlərinə görə, bulvarın genişləndirilməsi ekoloji və iqlim dayanıqlılığı baxımından da əhəmiyyətlidir. 

Bu, ərazinin mikroiqliminə, havanın keyfiyyətinə, biomüxtəlifliyə və insanların yaşıllıq ərazilərinə çıxışına müsbət təsir göstərə bilər.