Pərakəndə elektron ticarət dövriyyəsi 3,6 faiz artıb

Bu ilin yanvar-sentyabr aylarında ölkə üzrə pərakəndə elektron ticarət dövriyyəsinin həcmi 185,5 milyon manat təşkil edib.

Operativ Media Dövlət Statistika Komitəsinə istinadən xəbər verir ki, bu, ötən ilin müvafiq dövrünün göstəricisinə nisbətdə real ifadədə 3,6 faiz çoxdur.

Hesabat dövründə ölkə üzrə pərakəndə ticarət dövriyyəsi 50,8 milyard manat olub ki, onun da 0,37 faizi informasiya sistemlərindən (internet, ekstranet və s.) istifadə edilməklə malların alqı-satqısı üzrə həyata keçirilən fəaliyyət sayəsində formalaşıb.