Toral Bayramovun ehtiyatda qaldığı matçda "Bursaspor" qələbə qazanıb

Türkiyə 1-ci Liqasında 10-cu tura start verilib.

Operativ Media xəbər verir ki, Azərbaycan millisinin üzvü Toral Bayramovun çıxış etdiyi "Bursaspor" komandası səfərdə "Muğlaspor"un qonağı olub.

İlk yarısı qolsuz bitən matçın ikinci yarısında üstünlüyü ələ alan “Bursaspor” 3:0 hesablı qələbəyə sevinib.

Milli komandamızın üzvü Toral Bayramov Bursa təmsilçisinin heyətində ardıcıl ikinci matçda sonadək ehtiyatda qalıb.

Qeyd edək ki, “timsahlar” 10 turdan sonra 22 xalla turnir cədvəlinin 2-ci pilləsində qərarlaşıb.