Azərbaycanda iş saatları azaldıla bilərmi?

"Bəzi ölkələr bunu pilot layihə olaraq həyata keçirib. Bu hansısa tək qurumun verəcəyi qərar deyil. Bunu kompleks digər qurumlar da araşdırmalıdır."

"Operativ Media" xəbər verir ki, bunu İqtisadiyyat nazirinin birinci müavini Elnur Əliyev İnsan Resursları Zirvəsində “Yerin dərinliyindən beyin dərinliyinə köç” mövzusundakı paneldə çıxışı zamanı deyib.

Elnur Əliyev həmçinin bildirib ki, Azərbaycan tarixində ilk dəfə özəl və dövlət sektorundə əmək müqavilələrin sayı bərabərləşib. 

"Hər il 100 mindən çox gəncin əmək bazarına daxil olmasına çalışacayıq. 2014 -2020 cildə məzun olmuş gənclərin 88 faizi əmək müqaviləsi ilə işləyir. Bu bizə dövlət sifarişində hansı ixtisasların bu gün üçün tələb olduğunu göstərdi. Göstərdi ki, texniki sahələrə tələb çoxdu. Biz elmi nöqteyi nəzərdən də bunu araşdırmalıyıq."