Azərbaycanda fərdi məlumatların qorunması üçün yeni qanun layihəsi hazırlanır.

"Operativ Media"nın xəbərinə görə, bunu Bakıda keçirilən İnsan Resursları Zirvəsində rəqəmsal inkişaf və nəqliyyat nazirinin müavini Fərid Əhmədov bildirib.

Onun sözlərinə görə, hazırda fərdi məlumatların qorunmasını əhatə edən yeni qanun layihəsi ilə bağlı razılaşdırmalar aparılır.

"Bu qanun layihəsi parlamentə təsdiq üçün göndərilərsə, o zaman biz fərdi məlumatların qorunması istiqamətində qanunu qəbul etmiş olarıq”, - o, qeyd edib.