İyul ayının sonunda Rusiya Federasiyası Tatarıstan Respublikasının "Ximqrad" Səhmdar Cəmiyyətinin təşkilatçılığı və İxracın və İnvestisiyaların Təşviqi Agentliyinin (AZPROMO) dəstəyi ilə Rusiya şirkətlərinin nümayəndələri Azərbaycana işgüzar səfər edəcəklər.

"Operativ Media" xəbər verir ki, biznes missiya Azərbaycanda yaradılmış biznes və investisiya mühiti, sənaye parkları və azad iqtisadi zonaların fəaliyyəti, o cümlədən kimya sənayesində sahibkarlar üçün yaradılan imkanlar və xalçaçılıq sahəsi ilə tanışlıq məqsədilə təşkil olunur.