Deputat Madər Musayev dəfn edilib (YENİLƏNİB)
Bu gün vəfat etmiş deputat Madər Musayev dəfn edilib.
"Operativ Media" "Report"a istinadən xəbər verir ki, mərhum Bakının Binəqədi rayonunda kənd qəbiristanlığında torpağa tapşırılıb.
*** 13:33
Milli Məclisin deputatı Madər Musayev vəfat edib.
"Operativ Media" xəbər verir ki, bu barədə "Report"a deputatın yaxınları məlumat verib.
Qeyd edək ki, Madər Musayev 26 noyabr 1947-ci ildə Bakı şəhərində anadan olub. Moskva Kooperativ İnstitutu Bakı filialının sənaye əmtəəşünaslığı və ticarətin təşkili fakültəsini bitirib. 1964-cü ildən Bakı şəhərində satıcı şagirdi, kiçik satıcı, baş satıcı, 1971-ci ildən mağaza müdiri, 1976-cı ildən universamda baş satıcı işləyib. 1986–1995-ci illərdə “Bahar” ticarət mərkəzinin müdiri vəzifəsində çalışıb.
XII çağırış Azərbaycan Respublikası Ali Sovetinin, I , II, III, IV, V və VI çağırış Azərbaycan Respublikası Milli Məclisinin deputatı olub.
“Şöhrət” və “Şərəf” ordenləri, 1-ci dərəcəli “Vətənə xidmətə görə” ordeni ilə təltif edilib.
Qeyd edək ki, M.Musayevin vəfatı xəbərini ilk olaraq unikal.az saytı yayıb.
