İqtisadiyyat nazirinin müavini Masallıda vətəndaşları qəbul edəcək

İqtisadiyyat nazirinin müavini Sahib Ələkbərov 21 iyul 2023-cü il tarixində Masallı şəhərində (ünvan: Masallı şəhəri, Masallı Sənaye Məhəlləsi) Masallı və Yardımlı rayonlarından olan vətəndaşları qəbul edəcək.

Nazirlikdən "Operativ Media"ya verilən məlumata görə, vətəndaşların qəbulu saat 11:00-dan etibarən keçiriləcək.

Masallı və Yardımlı rayonlarından olan vətəndaşlar İqtisadiyyat Nazirliyinin rəsmi internet səhifəsində qeydiyyatdan keçməklə və ya "195-1" Çağrı Mərkəzinə zəng etməklə Nazirliyin fəaliyyət istiqamətlərinə dair məsələlərlə bağlı müraciət edə bilərlər.