Son 10 ayda istehlakçılara 126,6 milyon manat ƏDV məbləği geri qaytarılıb

İstehlakçılara 126,6 milyon manat ƏDV məbləği geri qaytarılıb.

"Operativ Media" xəbər verir ki, bu barədə Dövlət Vergi Xidməti məlumat yayıb: 

"2023-cü ilin 10 ayı ərzində fiziki şəxs olan istehlakçılar tərəfindən ölkə ərazisində pərakəndə ticarət, ictimai iaşə və tibb fəaliyyəti göstərən şəxslərdən alınmış mallara (neft və qaz məhsullarının, avtomobillərin, alkoqollu içkilərin və tütün məmulatların satışı istisna olmaqla) və göstərilən xidmətlərə görə ödənilmiş ƏDV-nin 126,6 milyon manatı istehlakçılara qaytarılıb".