“Avropa İttifaqının ikili münasibəti bölgədə vəziyyəti gərginləşdirir”

Azərbaycanın suverenliyini həzm edə bilməyən bəzi qüvvələr, xüsusilə  Fransa Avropa İttifaqında  antiAzərbaycan dalğasını  qaldırır”.

Bu sözləri “Operativ Media”ya açıqlamasında  politoloq Tofiq Abbasov bildirib.

Tofiq Abbasovun sözlərinə görə, Avropa İttifaqının 30 ilə yaxın müddətdə ölkəmizin suveren ərazilərinin Ermənistan tərəfindən hərbi təcavüzə məruz qalmasına biganə yanaşması, Ermənistana göstərilən dəstək bu təşkilatın qərəzli siyasətinin və ikili standartlarının bariz nümunəsidir.

“Bununla  Ermənistanın revanşizmini gücləndirməyə çalışan Fransa yenidən  Azərbaycanla münaqişə vəziyyətini yaratmağa cəhd edir. Son 2 əsrin ən xoşa gəlməyən, çirkin cərəyanı olan antisemitizm özünü açıq şəkildə göstərir. Antisemitizm İkinci dünya müharibəsi öncəsi və müharibə getdiyi zamanda Fransada tüğyan edirdi. Yəni Fransanın cəmiyyətində bu ənənənlər  var idi. Ona görə də yəhudi əsilli insanları gözləri götürmürdü, onlara təzyiq göstərirdilər. Bununla da özlərinin mahiyyətini açıqlayırıdlar”.

Politoloq bildirib ki, proseslərin bu məcraya yönlənməsinin əsas səbəbkarı Fransadır.

“Biz bu gün də görürük ki, Fransa cəmiyyətində bu ənənə yenidən tüğyan edir, yenidən meydana gəlib. Nahaq yerə bu gun islamafobiya, türkafobiya çiçəklənmir. Çünki ilk növbədə Fransa öz maraqlarını önə çəkir. Fransa höküməti hər halda cəmiyyətində baş verən hadisələrə ilk növbədə özü cavabdehlik daşımalıdır. Sonra dünyada ab-havanı nəzərə almalıdır.  Azərbaycana hər hansı bir  təhdidin olacağı təqdirdə öz gücü və potensialı ilə cavabını verəcək”.