2022-ci ilin yanvar-oktyabr aylarında Serbiya Azərbaycanın 68-cı xarici ticarət tərəfdaşı olub. Ölkələrin ticarət dövriyyəsinin həcmi 9,84 milyon dollar, o cümlədən idxalın həcmi 8,10 milyon dollar, ixracın həcmi 1,74 milyon dollar təşkil edib.
2021-ci ilin müvafiq dövrü ilə müqayisədə 2022-ci ilin yanvar-oktyabr aylarında Serbiya ilə ticarət dövriyyəsi 27,51 faiz artıb.
Rəqəmlərin daha da böyüməsi istiqamətində işlərin görülməsi üçün Azərbaycan Prezidentinin xüsusi fikir bildirməsi imzalanan sənədlərin miqyasından da aydın görünür.
Strateji tərəfdaşlıqdan tutmuş, sosial müdafiə, iqtisadiyyat sahələrinə qədər Azərbaycanla Serbiya arasında sənədlərin imzalanması onu göstərdi ki, İlham Əliyev və Vuçiç münasibərlərin dostluqdan da daha yuxarı hətta qardaşlıq səviyyəsinə çatdırmağı hədəfləyir. İlham Əliyevin biz tez-tez telefonla danışırıq, daim əlaqədəyik deməsi, Aleksandar Vuçiçin həmkarını etibarlı tərəfdaş adlandırması böyük hədəflərin olmasından xəbər verir. Növbəti gündəliklərin tərtib olunması Azərbaycanın Serbiya üçün nəinki enerji sahəsində amilini artırır, eyni zamanda müxtəlif sahələrdə inkişafın olacağını xəbər verir. Üstəlik beynəlxalq təşkilatlarda Azərbaycan və Serbiyanın maraqlarını müdafiə etməsi təkanverici qüvvədir.
Serbiya prezidentinin İlham Əliyevə "mən Azərbaycan Prezidentindən ölkəmizdə daha çox qalmağı xahiş edəcəyəm, çünki ölkəmizdə ən azı bir gecə qalmasanız bizim xətrimizə dəyər. İnanırıq ki, qonaqpərvərliyimizi nümayiş etdirə bilərik. İnanırıq ki, özünüzü Avropada heç yerdə olmadığı kimi Serbiyada evinizdəki kimi hiss edəcəksiniz" - deməsi əvvəldə dediyim ki, maraqların dostluq səviyyəsinə qədər irəliləməsinin daha bir göstəricisidir.
İlham Əliyevin isə tərtib olunan gündəlikdə məsələrin icrasının operativ və səmərəli şəkildə etmək üçün əlbəttə ki, biz tez-tez görüşməliyik deməsi yeni mərhələdir.
Samir Cabbarov – Operativ Media
