Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") rəhbəri Sergey Dankvert bu gün Azərbaycana səfər edəcək.

"Operativ Media" Rusiyanın Baytarlıq və Fitosanitar Nəzarət üzrə Federal Xidmətinin rəsmi saytına istinadən xəbər verir ki, səfər çərçivəsində Dankvertin Azərbaycanda yüksək səviyyəli işgüzar görüş keçirəcək.

Azərbaycanın baytarlıq və fitosanitar nəzarəti sistemi ilə tanış olmaq məqsədi ilə Rusiya Xidmətinin rəhbəri ilə Azərbaycan Qida Təhlükəsizliyi Agentliyinin sədri Qoşqar Təhməzli arasında danışıqların aparılması nəzərdə tutulur.

Tərəflər ikitərəfli ticarətin miqyasını nəzərə alaraq əməkdaşlığın cari məsələlərini, o cümlədən dabaq virusunun dünyada yayılması ilə bağlı vəziyyəti müzakirə edəcəklər.

Bundan əlavə, səfər çərçivəsində Sergey Dankvert Rusiyanın Azərbaycandakı səfiri ilə görüş keçirəcək.