MSK-nın sədri: Məntəqələrə gəlmək imkanı olmayanlara daşınan qutu çatdırılacaq

Səsvermə yekunlaşandan sonra ilkin olaraq daşınan qutular açılıb sayılır.

"Operativ Media" xəbər verir ki, bunu jurnalistlər üçün keçirilən mətbuat konfransında Mərkəzi Seçki Komissiyasının sədri Məzahir Pənahov söyləyib.

O bildirib ki, səsvermə günü adı seçici siyahısında olan, amma məntəqələrə gəlmək imkanı olmayan seçicilərə Seçki Məcəlləsinin tələbinə görə daşınan qutu çatdırılır. Həmin qutuların çatdırılması isə müşayiətlə həyata keçirilməli və təhlükəsizlik məsələləri təmin olunmalıdır.