"Google Pulqabı" milyonlarla smartfonda fəaliyyətini dayandıracaq

"Google" rəqəmsal pul kisəsi xidmətinin köhnə smartfonlarda fəaliyyətini dayandıracaq.

"Operativ Media" xəbər verir ki, bu barədə şirkətin saytında məlumat verilib.

Məlumata görə, "Google Wallet" tətbiqi iyunun 10-dan etibarən Android 7 və daha köhnə sistemlərdə fəaliyyətini dayandıracaq. Buna görə də, xidmət üçün tövsiyə olunan minimum əməliyyat sistemi 2017-ci ildə buraxılan Android 8 olacaq.

"Google" bu qərarın Android istifadəçilərinin təhlükəsizliyi ilə bağlı narahatlıqları ilə əlaqədar olduğunu izah edib. "Statcounter"in məlumatına görə, 2024-cü ilin aprelində Android 7-nin payı 1,32 faiz təşkil edir, yəni əməliyyat sistemi milyonlarla istehlakçı tərəfindən istifadə olunmağa davam edib.