
Apple üçüncü tərəf satıcılarından asılılığını azaltmağa çalışır.
"Operativ Media" "Bloomberg"ə istinadən xəbər verir ki, ABŞ nəhəngi 2024-cü ildən öz mobil cihazlarında öz displeylərindən istifadə etməyə başlamaq niyyətindədir.
"Apple" displeyinə keçən ilk qurğular premium "Apple Watch" smart saatları olacaq. Zaman keçdikcə şirkət "iPhone" da daxil olmaqla bütün cihazlarını yeni nəsil displeylərlə təchiz etmək niyyətindədir.
"Apple"ın əsas displey təchizatçıları "Samsung" və "LG" idi. Bundan əlavə, Amerika şirkəti "Japan Display", "Sharp" və "BOE Technology" displeyləri ilə təmin edilib.
Şirkət 2024-cü ilin sonu - 2025-ci ilin əvvəlində "Broadcom" və "Qualcomm" çiplərindən də imtina etmək niyyətindədir.
Hər iki şirkət üçün "Apple" ən böyük müştəri idi və illik gəlirlərinin təxminən beşdə birini onlara təmin edirdi.