Azərbaycan Avtomobil Yolları Dövlət Agentliyi Bakının Yasamal rayonunun Mətbuat prospektində təmir işlərini yekunlaşdırıb.

"Operativ Media" agentliyə istinadən xəbər verir ki, ərazidə köhnə asfalt-beton örtüyünün üst qatı frezlənərək kənara daşınıb, ardınca “İnşaat Norma və Qaydaları”na əsasən lazımi qalınlıqda yeni asfalt-beton örtüyünün döşənməsi işləri icra olunub.

Sonda yeraltı kommunikasiya xətlərinin baxış qapaqlarının layihə hündürlüyünə qaldırılması, həmçinin avtonəqliyyat vasitələrinin normal hərəkətinin təmin edilməsi üçün üfüqi nişanlanma xətlərinin çəkilişi işləri aparılıb.

Sözügedən prospekt müasir görkəmdə artıq vətəndaşların istifadəsindədir.