"Azərbaycan Dəmir Yolları" COP29-la əlaqədar gücləndirilmiş iş rejiminə keçib

Bakıda keçiriləcək COP29 tədbirinə hazırlıq çərçivəsində "Azərbaycan Dəmir Yolları" QSC (ADY) gücləndirilmiş iş rejiminə keçib.

"Operativ Media" xəbər verir ki, bu barədə ADY-nin Sərnişin daşımaları departamentinin rəisi Azər Fərəcov media nümayəndələri üçün təşkil olunan brifinq zamanı bildirib.

Onun sözlərinə görə, qurum gücləndirilmiş iş rejiminə 1 noyabr tarixindən keçib.

Azər Fərəcov qeyd edib ki, gücləndirilmiş iş rejiminə keçid çərçivəsində stansiya və dayanacaqlarda əməkdaşların sayı artırılıb, onlar üçün müvafiq təlimlər keçirilib.

"Həmçinin təhlükəsizlik tədbirləri də gücləndirilib", - Azər Fərəcov vurğulayıb.