Tovuzda yol qəzası baş verib

Tovuzda iki nəfərin xəsarət alması ilə nəticələnə yol-nəqliyyat hadisəsi olub.

Bu barədə Daxili İşlər Nazirliyinin Mətbuat Xidmətinin Gəncə Regional Qrupundan "Operativ Media" ya bildirilib.

Məlumata görə, rayonun Alakol kəndində, "Chevrolet Curuze" markalı avtomobil ağaca çırpılıb.

Qəza nəticəsində, 2001-ci il təvəllüdlü N.Qurbanlı və 2000-ci il təvəllüdlü Ş.Namazlı xəsarət alıb.

Yaralılar xəstəxanaya yerləşdirilib.

Faktla bağlı araşdırma aparılır.