Bakı Fond Birjasında (BFB) 2024-cü ilin yanvar-oktyabr ayları ərzində qiymətli kağızlar üzrə keçirilən əməliyyatların ümumi həcmi 50 milyard 333 milyon 701 min 376 manat təşkil edib.

"Operativ Media" xəbər verir ki, bu, ötən ilin eyni dövrü ilə müqayisədə 2,6 dəfə çoxdur.

Məlumata görə, ötən ilin müvafiq dövrü ilə müqayisədə korporativ qiymətli kağızaların ticarət həcmində 63%, dövlət qiymətli kağızların ilkin bazardakı ticarət həcmində isə 2% böyümə qeydə alınıb.

Repo əməliyyatları üzrə 277% artım olub. O cümlədən, ötən il ilə müqayisədə korporativ qiymətli kağızların repo əməliyyatların bazarı üzrə 7805% artım qeydə alınıb.

2024-cü ilin oktyabr ayının son ticarət günü üzrə səhm bazar kapitalizasiyası 6,078,841,199.14 manat (6 milyard 78 milyon 841 min 199 manat 14 qəpik) təşkil edib.