Putin noyabrın 27-də Qazaxıstana səfər edəcək

Rusiya prezidenti Vladimir Putinin Qazaxıstana dövlət səfəri noyabrın 27-nə planlaşdırılıb.

"Operativ Media" xəbər verir ki, bunu Astanada Rusiyanın xarici işlər naziri Sergey Lavrovla geniş tərkibdə görüşündə respublikanın baş nazirinin müavini - xarici işlər naziri Murat Nurtleu deyib.

“Rusiya Prezidentinin noyabrın 27-də Qazaxıstana gözlənilən dövlət səfəri çoxşaxəli tərəfdaşlığın təşviqi baxımından böyük əhəmiyyət kəsb edir”, - o, qeyd edib.

Öz növbəsində Lavrov qeyd edib ki, tərəflər “Rusiya prezidentinin noyabrın 27-də Qazaxıstana dövlət səfərinə ciddi hazırlıq görürlər”