Azərbaycan Fransa şirkəti ilə sənaye texnologiyaları üzrə əməkdaşlığı müzakirə edib

Azərbaycan və Fransanın “Schneider Electric” şirkəti arasında karbonsuzlaşma və sənaye texnologiyaları üzrə mümkün əməkdaşlıq müzakirə olunub.

"Operativ Media" İqtisadiyyat Nazirliyinə istinadən xəbər verir ki, bu barədə müzakirələr iqtisadiyyat nazirinin birinci müavini Elnur Əliyev COP29 çərçivəsində “Schneider Electric”in beynəlxalq əlaqələr üzrə icraçı vitse-prezidenti Maniş Pant ilə görüşüdə aparılıb.

Görüşdə Azərbaycanda yaradılmış əlverişli işgüzar mühit, həmçinin, “yaşıl enerji” təhlükəsizliyi tədbirləri, “yaşıl keçid” layihələri, ekosistemin rəqəmsallaşdırılması, innovasiyaların tətbiqi üzrə görülən işlər barədə məlumat verilib, bu kimi istiqamətlər üzrə əməkdaşlıq imkanları diqqətə çatdırılıb.

Tərəflər bərpaolunan enerjidən istifadə, karbonsuzlaşma, rəqəmsallaşma və sənaye texnologiyaları üzrə mümkün əməkdaşlıq barədə fikir mübadiləsi aparıblar.