İran şirkətlərinin Ermənistanda işləməsi üçün şərait yaradılacaq

İrandan tikinti şirkətləri üçün Ermənistanda işləmək ən asan olacaq.

"Operativ Media" xəbər verir ki, bunu Ermənistanın ərazi idarəetmə naziri Qnel Sanosyan Sisiandakı forumda bildirib.

Nazir Ermənistan-İran əməkdaşlığının xüsusi potensialını məhz tikinti sektorunda görür. O qeyd edib ki, Ermənistanda həyata keçirilən layihələr İran tərəfinə təqdim edib.

Erməni nazir, İranın fövqəladə və səlahiyyətli səfiri Abbas Bədaşxan Zohuri ilə birlikdə tikilməkdə olan üçüncü Ermənistan-İran elektrik verilişi xəttinin, Tatev-Ltsen və Ltsen-Şamb avtomobil yollarının ərazisinə baş çəkib.