"Neftçi" klubu futbolçusu ilə yollarını ayırıb.

 "Operativ Media" xəbər verir ki, “Neftçi” PFK Portuqaliyanın “Arouka” klubu ilə futbolçumuz Yusuf Lavalın satışı ilə əlaqədar rəsmi danışıqları uğurla başa çatdırıb və nigeriyalı yarımmüdafiəçi qarşı tərəfə satılıb. Klub göstərdiyi xidmətlərə görə Yusuf Lavala təşəkkür edib, gələcək karyerasında uğurlar arzulayıb.

Qeyd edək ki, 2020-ci ilin yayında transfer olunmuş Laval bu müddətdə 69-u çempionat (4 qol), 6-sı kubok, 13-ü avrokubok (2 qol) olmaqla 88 rəsmi matçda “ağ-qara” formanı geyinib, 6 qol vurub.