İngiltərə Bankı (BoE) uçot dərəcəsini 0,5 faiz bəndi artıraraq 4 %-ə çatdırıb.
"Operativ Media"nın xəbərinə görə, BoE bildirib ki, inflyasiya riski ciddi səviyyədə yüksəlib. Bundan başqa, davamlı inflyasiya pul-kredit siyasətini daha da sərtləşdirilməsini tələb edə bilər.
Qeyd edək ki, İngiltərə Bankının 9 üzvündən 7-si faiz dərəcəsinin 0,5 faiz bəndi artırılmasına, 2 üzvü isə sabit saxlanılmasına səs verib.
Bununla da, 2021-ci ilin dekabrından bəri 10-cu faiz artımına gedən BoE uçot dərəcəsini 2008-ci ildən bəri ən yüksək səviyyəyə yüksəldib.
