Zaxarova: Makronun açıqlamaları ziddiyyətlərlə doludur

"Fransa prezidenti Emmanuel Makronun açıqlamaları ziddiyyətlərlə doludur".

Operativ Media xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova "Moskva-24" telekanalına verdiyi müsahibədə belə deyib.

Əvvəllər Fransa lideri Aİ adından Rusiya ilə danışıqlara hazır olduğunu bəyan etsə də, sonra Fransanın nüvə silahı ilə Avropanı Rusiyadan qorumağa çağırıb.

Zaxarova bildirib: "Makronun bəyanatları ya atmosfer təzyiqindən, ya da təbii hadisələrdən asılıdır, dəqiq bilmirəm. Bəlkə, nəsə onun əhval-ruhiyyəsini korlayır".