ABŞ bu ölkələr üçün idxal rüsumlarını 10%-ə endirib.
ABŞ ilə əlaqə saxlayan və tariflərlə bağlı danışıqlar aparmaq istəyən ölkələrin sayı 130-a çatıb.
Operativ Media xəbər verir ki, bu barədə Ağ Evin Milli İqtisadiyyat Şurasının rəhbəri Kevin Hassett CNN telekanalına müsahibəsində məlumat verib.
“Hazırda 130 ölkə bizimlə əlaqə saxlayıb və biz onlarla danışıqlar aparırıq", - o bildirib.
Hassett əlavə edib ki, ABŞ bu ölkələr üçün idxal rüsumlarını 10%-ə endirib.
Bundan əvvəl Amerika administrasiyasının nümayəndələri Vaşinqtonun təxminən 75 ölkə ilə danışıqlar apardığını bildirmişdilər.
