Yəməndə İranın dəstəklədiyi husilər ABŞ döyüş təyyarələrinin Sənada keramika fabrikinə endirdiyi 3 hava hücumunda 5 nəfərin öldüyünü, 13 nəfərin yaralandığını açıqlayıb.
ABŞ döyüş təyyarələri Sənanın qərbindəki Beni Matar qəsəbəsinə üç hava zərbəsi endirib.
Operativ Media xəbər verir ki, bu haqda Husilərə bağlı Səhiyyə Nazirliyi tərəfindən edilən yazılı açıqlamada bildirilib.
Hücum nəticəsində 5 nəfər həyatını itirib, 13 nəfər yaralanıb.
Açıqlamada hücumla bağlı əlavə təfərrüatlar verilməyib.
