FİFA Fondu Türkiyə və Suriyada baş verən zəlzələlərdən sonra həyatını itirən və uçan binalar nəticəsində evsiz qalan vətəndaşlara kömək məqsədilə 1 milyon ABŞ dolları məbləğində yardım edəcəyini açıqlayıb.

"Operativ Media" xəbər verir ki, FİFA-nın rəsmi saytında verilən açıqlamada Türkiyə Futbol Federasiyası (TFF) və Suriya Futbol Federasiyası (SFA), beynəlxalq və yerli qeyri-hökumət təşkilatları ilə məsləhətləşmələr aparılıb və ediləcək yardımlar fövqəladə hallar üçün sığınacaq və mühafizə və əsas humanitar yardım materiallarının alınması və paylanması üçün istifadə olunacaq.  Bəyanatda həmçinin regiondakı vəziyyətin yaxından izləndiyi və iki ölkənin futbol federasiyası ilə əməkdaşlığın davam etdiriləcəyi bildirilib.