Azərbaycan iqtisadiyyat naziri Mikayıl Cabbarov Pakistanın İnvestisiyalar üzrə Şurasının federal naziri Çaudri Salik Hüseyn, sənayelər və istehsal naziri Seyid Murtaza Mahmud və neft üzrə dövlət naziri Musadik Məsud Malik ilə görüşüb.

"Operativ Media" xəbər verir ki, bu barədə Mikayıl Cabbarov tviterdə bildirib.

"Pakistanın İnvestisiyalar üzrə Şurasının federal naziri Çaudri Salik Hüseyn, sənayelər və istehsal naziri Seyid Murtaza Mahmud və neft üzrə dövlət naziri Musadik Məsud Malik ilə görüşdə ölkələrimiz arasında dostluq və qarşılıqlı dəstəyə əsaslanan münasibətlərin iqtisadi əlaqələrimizin inkişafı üçün yaratdığı imkanlar, investisiya, ticarət və energetika sahələrində əməkdaşlığa dair fikir mübadiləsi apardıq", - nazir qeyd edib.