Türkiyə İspaniyada davam edən meşə yanğınlarının söndürülməsinə dəstək məqsədilə bu ölkəyə iki yanğınsöndürmə təyyarəsi göndərib.

Operativ Media xəbər verir ki, Ankara bu addımı İspaniyanın Avropa İttifaqının Mülki Müdafiə Mexanizmi vasitəsilə etdiyi müraciət əsasında atıb.

Türkiyənin İspaniyadakı səfirliyi ölkəsinin təbii fəlakətlərlə mübarizədə beynəlxalq həmrəylik prinsipinə sadiq olduğunu bildirib.

Qeyd edək ki, İspaniyada meşə yanğınları Madrid, Avila və Kastelyon bölgələrini əhatə edib.

Güclü küləklər yanğınların söndürülməsini çətinləşdirir, 116 mindən çox insan təhlükəsiz ərazilərə təxliyə olunub.