ABŞ Dövlət Departamenti Donald Trampın ikinci prezidentlik müddətinin başlamasından bu yana 175 mindən çox vizanı ləğv edib.

Operativ Media xəbər verir ki, bu barədə ABŞ Dövlət Departamentinin bəyanatına istinadən “Fox News” məlumat yayıb.

Bildirilib ki, vizaların əksəriyyəti sahiblərinin hüquq pozuntularına görə ləğv edilib. Ən çox rast gəlinən səbəblər arasında hücum, sərxoş vəziyyətdə avtomobil idarə etmə, oğurluq və narkotiklərlə bağlı cinayətlər yer alıb.

Həmçinin təhlükəli avtomobil idarə etmə, cinsi zorakılıq, uşaqlara qarşı qəddar rəftar, dələduzluq və vəsaitlərin mənimsənilməsi kimi hallara görə də vizalar ləğv edilib.