Maks Ferstappen "Red Bull" ilə müqaviləni uzadıb

​"Formula 1" üzrə dördqat dünya çempionu Maks Ferstappen karyerasını yenə də Avstriya təmsilçisində davam etdirəcək.

​Operativ Media xəbər verir ki, "Red Bull" komandası niderlandlı pilotla imzalanan yeni sözləşmənin müddətinin 2030-cu ilin sonunadək nəzərdə tutulduğunu rəsmən açıqlayıb.

​Xatırladaq ki, 28 yaşlı sürücünün əvvəlki müqaviləsi 2028-ci ildə başa çatmalı idi. O, 2016-cı il mövsümünün gedişində "Toro Rosso"dan (indiki "Racing Bulls") "Red Bull"a keçib. Bu müddət ərzində pilot komandanın heyətində 71 qələbə qazanıb. Qeyd edək ki, avqustun 22–23-də keçiriləcək Niderland Qran-prisi idmançının doğma yarışına çevriləcək.