Bölgələrdə “Turizm kəndi” konsepsiyası tətbiq olunacaq

Regionların sosial-iqtisadi inkişafını dəstəkləmək və kənd yerlərində yaşayan icmaların gəlirlərini artırmaq üçün “Turizm kəndi” konsepsiyası hazırlanır.

Operativ Media xəbər verir ki, bu Azərbaycan Respublikasında turizmin inkişafına dair 2026–2030-cu illər üçün Dövlət Proqramında öz əksini tapıb.

Proqrama əsasən, bu konsepsiya üzrə normativ hüquqi baza formalaşdırılacaq.

“Turizm kəndi” modeli çərçivəsində kəndlərdə kiçik bizneslərin dəstəklənməsi, ekoloji təmiz məhsulların, yerli mədəni irsin və adət-ənənələrin təbliği, habelə turistlərin regionlara yönləndirilməsi təmin ediləcək.