Əraqçı: ABŞ-nin İrana qarşı yeni sanksiyaları uğursuz olacaq

İranın xarici işlər naziri Abbas Əraqçı ABŞ-nin İrana qarşı tətbiq etməyi planlaşdırdığı yeni iqtisadi sanksiyaların uğursuzluğa düçar olacağını bildirib.

Operativ Media xəbər verir ki, bu barədə "JPNN" məlumat yayıb.

Əraqçı ABŞ Prezidenti Donald Trampın İrana qarşı “ən dağıdıcı iqtisadi əməliyyat” adlandırdığı yeni təzyiq kampaniyasına münasibət bildirib.

İranlı nazir əvvəlki sanksiya kampaniyalarının nəticələrinə diqqət çəkərək, Vaşinqtonun yeni iqtisadi təzyiqlərinin də əvvəlki cəhdlər kimi nəticəsiz qalacağını deyib.

O, ABŞ-nin iqtisadi təzyiq siyasətinin uğursuz olduğunu və yeni sanksiyaların da Tehrana qarşı gözlənilən nəticəni verməyəcəyini vurğulayıb.