Nə alyansın rəhbəri, nə də ayrı-ayrı dövlətlər bütün NATO üçün qərar verə bilər.

"Operativ Media" xəbər verir ki, bunu İtaliyanın müdafiə naziri Quido Krosetto NATO-nun baş katibi Yens Stoltenberqin Kiyevə Qərb silahları ilə Rusiya ərazisinə zərbələr endirməsinə icazə verilməsi ilə bağlı bəyanatını şərh edərkən bildirib.

"NATO-nun baş katibi və ya ayrı-ayrı ölkələr hamı üçün xətti müəyyən edə bilməz. O, İyulda keçiriləcək Vaşinqton sammitində qərarların qəbul ediləcəyini əlavə edib. Fərdi çıxışlar heç nə demək deyil", - İtaliyanın müdafiə naziri deyib. 

Krosetto əmindir ki, Ukraynaya yardım göstərərkən eskalasiyaya səbəb olan addımlar atmaq səhv olar: "Atəşkəs və açıq sülh danışıqlarına nail olmaq mümkün olmalıdır və Ukraynaya yardımımız buna xidmət etməlidir".

Bundan əvvəl Stoltenberq "The Economist" jurnalına müsahibəsində təklif etmişdi ki , NATO müttəfiqləri Ukraynanın Rusiya Federasiyasının beynəlxalq səviyyədə tanınmış ərazisində yerləşən hərbi obyektlərinə Qərb silahlarından istifadə edərək zərbələr endirmək imkanına malik olub-olmaması barədə bir daha düşünməlidirlər.