İran ciddi şəkildə Rusiya ilə münasibətləri gücləndirmək və mübahisəli məsələləri bir-biri ilə əməkdaşlıqda həll etmək niyyətindədir.

"Operativ Media" xəbər verir ki, bunu İranın birinci vitse-prezidenti Məhəmməd Rza Aref Rusiyanın baş naziri Mixail Mişustinlə danışıqları zamanı deyib.

"Münasibətlərimizin bütün səviyyələrdə inkişaf etdiyi yaxşı tempdən çox məmnunam", - deyə vitse-prezident bildirib.

O, Rusiya Federasiyası ilə əməkdaşlığın İranın xarici siyasətinin prioritetlərindən biri olduğunu vurğulayıb.